Нийтлэгдсэн огноо: 2014/09/16
2014 оны 05 сарын 23 өдөр
Дугаар A/410
Улаанбаатар хот
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.2 дах хэсэг, Агаарын тухай хуулийн 8 дугаар зүйлийн 8.1.1, 8.1.4, 8.1.5, 8.1.9, Агаарын бохирдлын төлбөрийн тухай хуулийн 4.3, Байгаль орчин, ногоон хөгжлийн сайдын 2014 оны А-181 дүгээр тушаалыг тус тус үндэслэн ЗАХИРАМЖЛАХ нь.
1. 2014 оны 08 дугаар сарын 01-ний өдрийн дотор агаарын бохирдлын суурин эх үүсвэр эзэмшигчдийг зуухны бүртгэл тооллогод хамруулж, бүртгэл хяналтын нэгдсэн тогтолцоо бүрдүүлэх ажлыг хэрэгжүүлэхийг нийслэлийн Агаарын чанарын алба /Ч.Батсайхан/-нд, Дүүргийн Засаг дарга нарт тус тус даалгасугай.
2. Агаарын бохирдлын суурин эх үүсвэр зуухны бүртгэл тооллого явуулахдаа Байгаль орчин, ногоон хөгжлийн сайдын энэ оны А-181 дүгээр тушаалаар баталсан журмыг мөрдсүгэй.
3. Бүртгэл тооллогын дүнг нэгтгэн боловсруулж 11 дүгээр сард багтаан Нийслэлийн Удирдлагын зөвлөлийн хуралд танилцуулж, холбогдох арга хэмжээг авч ажиллахыг нийслэлийн Агаарын чанарын алба /Ч.Батсайхан/-нд үүрэг болгосугай.
НИЙСЛЭЛИЙН ЗАСАГ ДАРГА БӨГӨӨД УЛААНБААТАР ХОТЫН ЗАХИРАГЧ Э.БАТҮҮЛ
2024/04/22
2024/04/15
2024/04/08
2019/05/16
2018/05/21
2018/05/21
2021/10/12
2021/10/12
2021/10/12
2017/01/16
2014/12/05
2014/12/05
